ضي العيون
*****
الشاعر الجريح
علاء محروس مرسي
**********
ضي العيون فاتوني سابوني
زرعتهم في قلبي نسيوني
نكروا الجميل رموني
بنادي عليكم ياولادي
يا حته من روحي وكياني
لمين سبتوتي
كبر سني رميتوني
آآآآه ياشبتي
وكبر سني
وضعف حرتي
علشان هواكم ضيعتوني
سبتوا جروح قلبي تعذبني
يا لي عشت مر الدنيا علشان أرضيكوا
ردوا عليا حرام ظلم الجفا فيكوا
قولولي مين قساكوا
غدر بحبي معاكوا
أنتم نور عنيا
أكتر عندي بالدنيا ديا
ليه يا ضي عنيا
عكاز سندي أستكترتوه ليا
عمر قلبي ما يدعي عليكوا
أسأل ربي الحب ليكوا
يا ضي عنيا روحوا قلبي راضي عليكوا
مهما قست قلوبكم ربي يرضيكوا
ضي العيون فاتوني سابوني
زرعتهم في قلبي نسيوني
نكروا الجميل رموني
كلمات :
الشاعر الجريح
علاء محروس مرسي
( من ديوان عندما يئن القلب فتتلاقي الدموع )